Мәжіліс сайлауына Nur Otan-ның партиялық тізімі бекітілді
Партиялық тізім 126 кандидаттан тұрады. Олардың ішінде 77 кандидат партияішілік праймериз қорытындысы, ал 49 адам орталық партиялық квота бойынша анықталды.
Кандидаттардың жалпы тізімінде Парламент Мәжілісінің қызметтегі депутаттары 20%-тен аспайды, мемлекеттік басқару саласының өкілдері – 13%, білім және денсаулық сақтау саласы – 12%, үкіметтік емес ұйымдар – 9% және өнеркәсіп – 8% болды.
Сондай-ақ, экономистер – 28%, заңгерлер – 20%, кәсіпкерлер – 17%. Ал 21 үміткердің ғылыми дәрежесі бар, оның ішінде 10-ы – ғылым докторы, 11-і – ғылым кандидаты.
Тізімнің үштен бірі – әйелдер.
Кандидаттардың орташа жасы бұрынғы партиялық тізімдермен салыстырғанда 4 жылға төмендеп, 48 жас болды.
Праймериз қорытындысы бойынша Алматы қаласынан 7 кандидат анықталған:
1. Платонов Артур Станиславович (Парламент Мәжілісінің VI шақырылымының депутаты)
2. Торгаев Беккали Нургалиевич (Алматы қ. Алмалы ауданының әкімі, партия аудандық филиалының төрағасы) @torgayev.bekkali
3. Сулейменова Жулдыз Досбергеновна («Физика-математикалық бағытындағы Назарбаев Зияткерлік мектебі» ДБҰ басшысы) @zhuldyzsuleymenova
4. Кобеева Алтынай Орманкалиевна («Ақпараттық-ресурстық орталық» ҚБ негізін қалаушы, құрылтайшысы, директоры) @kobeevaaltynai
5. Авершин Константин Викторович («Я - Алматинец» қоғамдық қозғалысының лидері) @deputy.avershin.official
6. Ахметов Мади Абылаевич («Jas Otan» Жастар қанаты Алматы қалалық филиалының төрағасы) @madi_akhmet
7. Шардинов Шухрад Ахметжанович («Алматы көпір құрылымдары зауыты» ЖШС-нің бас директоры) @shardinov_azmk
@nur_otan_almaty
#NurOtan #Almaty
